Dhandang Gula Kidung Pamungkas Kanjeng Sunan Kalijaga

DHANDANG GULA KIDUNG PAMUNGKAS KANJENG SUNAN KALIJAGA
Dhandang Gula di Percaya untuk menangkal santet, pulu gantung, kasus bunuh diri, dan kejahatan lainya

A. Ana kidung rumeksa ing wengi

Teguh ayu luputa ing leloro

Luputa bilahi kabeh

Jin setan datan purun 

Paneluhan tan ana wani

Miwah panggawe ala

Gunaning wong luput

Geni atemahan tirta

Maling adoh tan ana ngarah mring mami

Guna duduk pan sirno

B. Sakabehing lara pan samya bali

Sakeh ngama pan sami miruda

Welas asih pandulune

Sakehing braja luput 

Kadi kapuk tibaning wesi

Sakehing wisata tawa

Satos galak lulut

Kayu aeng lemah sangar 

Songing landhak gumawing wong lemah miring

Myang pokiponing merak

C. Napasku Nabi Musa linuwih

Nabi Yakub pamyarsaningwang

Yusuf ing rupaku mangke

Nabi Daut swaraku

Jeng Sulaiman kasekten mami

Nabi Ibrahim nyawaku

Edris ing rambutku

Bangendha Ali kulitingwang

Getih daging Abu bakar singgih

Balung Bangenda Usman 

Sumsumingsung Fatimah linuwih 

Siti Aminah banyuning angga 

Ayub ing ususku mangke

Nabi Nuh in jejantung

Nabi Yunus ing otot mami

Netraku ya Muhammad

Pamuluku rasul

Pinayunan Adam sarak

Sampun pepak sakathaing para nabi

Dadya sariro tunggal 

D. Wiji sawiji mulane dadi

Apan pencar saisining jagat

Kasamadan dening date

Kang maca kang angrungu

Kang anurat kang anyimpeni

Dadi ayuning badan

Kinarya sesembur 

Yen winacaknan ing toya

Kinarya dus rara gelis laki

Wong edan nuli wara

E. Lamun ana wong kadhendha kaki

Wong kabanda wong kabotan utang

Yogya wacanen den age

Nalika tengah dalu

Ping sewelas wacanen singgih 

Luwar saking kabanda 

Kang kandhendha wurung

Aglis nuli sinauran mring hyang

Sukma kang utang puniku singgih 

Kang angring nuli waras

F. Lamun arsa tulus nandur pari

Puwasa sawengi sadina

Inderana galengane 

Wacanen kidung iku 

Sakeh ngama sami abali

Yen sira lunga perang 

Wateken ing sekul

Antuka tigang pulukan 

Musuhira rep sirep tan ana wani

Rahayu ing payudan

G. Yen kinarya atunggu wong sakit

Ejin syaitan tan wani angambah

Rinekseng malaikat

Nabi wali angepung 

Sakeh lara pada sumingkir

Ingkang nedya fitnah

Marang anak ingsun 

Rinusak dening pangeran 

Iblis laknat sato mara pada mati

Tumpes tapis daya

H. Gunung sewu dadya pager mami 

Katon murub sakehing tumingal sirna

Salwir lara kabeh

Luput ing tujuh teluh

Tarang nyana tenung alenggi

Mondhong gambar suminggah

Sri sadana lulut

Puniku sri rahmmatullah 

Rahmat jati jumeneng rahmat jasmani 

Iya sang jatimulya

I. Ana kidung sun angidung wengi

Bebaratan duk amrem winaca 

Batara Guru pangadega

Lumaku Sang Hyang Bayu

Alembeyan Asmara-ening 

Ngadeg pangawak teja

Kang angidung iku

Yen kinarya angawula

Myang lelungan gusti getting dadi asih

Syaitan sato sumimpang

J. Sakatahing upas tawa sami
Lara roga waluya nirmala
Tulak tanggul kang panggawe
Duduk pada kawangsul
Katawuran sagunging zikir
Ngadam makdum sadaya
Datanapa pangrungu
Pangucap lawan pangrasa
Myang paningal kang sedya tumeka nafi
Pangreksanig malaikat

K. Jabaril ingkang angemoni
Milanipun katetapan iman
Ddi angandel atine
Ijrail puniku
Kang rumeksa ing pati urip
Israfil dadi damar
Padang jroning kalbu
Mikail kang angsung sandang
Lawan pangan enggale katekan kapati
Sabar lan anarima

L. Ja Hu Zat njeng pamujining wengi
Bale'arasy sesakane mulya Kirun (Munkar)
Sakatengen nggone
Wa nakirun (Nakir) atunggu
Saka kiwa gadange wesi
Nulak panggawe ala
Satru lawa mungsuh
Pangeret taraju'rrijal
Ander-ander kulhu balik kang linuwih
Ambalik lara roga

M. Sing sapa reke bisa nglakoni
Amutiya lawan anawaa
patang puluh dina wae
Lan tangi sabar sukuring ati
Insya Allah tinekan
Sakarsanireku
Tumrap sanak rakyatira
Saking sawabing ngelmu pangiket mami
Duk aneng Kalijaga

Wisata Positive